fbpx
Сѐ за политика на едно место!

Владата донесе нови мерки – лицата над 67 години ќе можат надвор од 5 до 11, А младите од 12 до 21 часот

Владата на вечерашната седница донесе уште една забрана за движење која се однесува на пензионерите и на младите до 18 години. Техничкиот премиер Оливер Спасовски на својот ФБ напиша:

-Владата донесе дополнителни ограничувања на движењето на граѓаните.

На 26-тата седница на Владата на Република Северна Македонија е донесена одлука за измени и дополнувања на одлуката за ограничување на движењето на граѓаните на целата територија во земјата.

Забраната за движење за сите граѓани од 21:00 до 06:00 часот, се заменува со ограничување на движењето од 21:00 до 05:00 часот заради гужвите што се создадоа во јавниот превоз и заради потребата на граѓаните да стигнат на работните места во утринските часови.

Дополнително, Владата донесе одлука да се забрани движењето на граѓаните над 67 години од 11:00 часот до 05:00 часот следниот ден.

Владата на вечерешната седница донесе уште една одлука за ограничување на движењето на младите до 18 години и за нив забраната за движење ќе започнува во 21 часот и ќе трае до 12 часот наредниот ден.

Новите одлуки за ограничување на движењето ќе важат од 24 март 2020 година, напиша премиерот на својот ФБ профил.