fbpx
Сѐ за политика на едно место!

Меморијален марш во спомен на загинатите во сообрќајната несреќа кај „Ласкарци“

Стотина лица утрово околу 6 часот го започнаа меморијалниот марш од скопското село Ласкарци, каде пред една година се случи тешка сообраќајна несреќа во која загинаа 16, а беа повредени 35 лица.

Пред почетокот на маршот беа пуштени лантерни (книжени балони со свеќи) со што им се оддаде почит на загинатите.

Иницијативата за граѓанскиот марш ја покренаа група планинари и е поддржана од општина Гостивар. Според предвиденото, маршрутата е долга 55 километри.

Маршот предвидено е да заврши на градскиот плоштад во Гостивар во поладневните часови.

За потсетување на 13 февруари 2019 година, во попладневните часови во сообраќајна несреќа на автопатот Скопје-Тетово, од коловозот излета автобус на компанијата „Дурмо Турс“ кој превезуваше патници на редовна линија од Скопје кон Гостивар.

Во несреќата животите ги загубија: Бобан Аврамовски, Трпана Јаневска, Дејан Ристоски, Онур Садику, Есат Емрули, Ајдин Исмаили, Раметула Абдураими, Валдете Хамити, Арсе Арсоски и Ерза Османи Јовица, Трпевски, Бесим Фетаи, Бејза Узеири, Зоран Давидовски и Павле Костоски.