Премиерот Христијан Мицкоски уште еднаш покажа државничка зрелост, непоколеблива одговорност и лидерство, ставајќи ја безбедноста на граѓаните и институционалната законитост над сите дневно-политички манипулации. Во гостување на „Сител“, Мицкоски информираше дека побарал јасно и целосно објаснување од Министерството за внатрешни работи (МВР) и Агенцијата за национална безбедност (АНБ) во врска со проценките според кои е утврдено дека поранешниот вицепремиер Артан Груби не би бил безбеден доколку биде притворен во истражниот затвор „Скопје“.
Со оваа постапка, премиерот испрати силна порака дека неговиот приоритет е функционална држава со силни институции, во која секоја одлука мора да има поткрепа, аргументи и одговорност, без разлика на имиња и политички шумови.
Мицкоски решително ги отфрли шпекулациите дека процесите околу враќањето на Груби и мерките што следеле се резултат на „пазар“ или договори зад затворени врати. Напротив — нагласи дека институциите се тие што постапуваат во рамки на своите надлежности, а Владата не врши притисок врз Обвинителството и Судот, туку ја брани клучната европска вредност: владеење на правото.
Премиерот посочи дека ги добил релевантните информации од МВР и АНБ, но дека не може јавно да ги изнесе деталите, бидејќи станува збор за класифицирани и строго доверливи документи. Со тоа, Мицкоски демонстрираше и уште една важна димензија на одговорното управување — почитување на процедурите и заштита на националната безбедност, без политички поени и сензационализам.
Во контекст на реакциите околу проценките за безбедноста во „Шутка“, Мицкоски јасно стави до знаење дека не секој има пристап до доверливи информации и дека јавните коментари мора да се темелат на факти, а не на претпоставки. Со смирен, но цврст настап, тој ја потврди својата посветеност на транспарентност колку што дозволува законот, и на принципиелност која ја враќа довербата во државата.
Како и во претходни јавни настапи, Мицкоски со интелектуална острина користеше и пошироки општествени аналогии, покажувајќи дека политиката не е само дневна реторика, туку сериозна борба за вредности, ред и институционална стабилност. Пораката беше јасна: Македонија има премиер кој не бега од одговорност, туку ја презема — директно, достоинствено и со државнички капацитет.
