Мајката и синот преку огласи нуделе решенија за различни проблеми, тврдејќи дека можат да отстранат црна магија и да спасат бракови.
Бранислав Ј. (40) и неговата мајка Милкица Б. (56) од Нови Сад се осудени во Хрватска на условни казни и парична казна од 10.500 евра поради лажно отстранување на уроци со црна магија. Оваа двојка со години ги лажеле луѓето нудејќи им „духовна помош“, а сè било разоткриено откако измамиле пензионер од Загреб кој барал спас за својот брак.
Мајката и синот преку огласи нуделе решенија за различни проблеми, тврдејќи дека можат да отстранат црна магија и да спасат бракови. Една од нивните жртви, пензионер, загрепчанин И.К., им поверувал на нивните „моќи“ и ги контактирал во надеж дека ќе го подобри односот со сопругата.
По нивниот совет, донел бурма, златен ѓердан и долна облека, верувајќи дека овие предмети се клучни за ритуалот.
Измамниците ја искористиле довербата на пензионерот и за време на наредните средби извадиле од него дури 2.500 евра во готовина и драгоцености. Покрај парите, тој им дал: златен ѓердан со името на сопругата, два ѓердана со привезоци во облик на срце, нараквица од бело злато, три луксузни женски часовници, златни обетки со циркони, д есет брендирани чанти кои припаѓале на неговата сопруга.
Кога измамата била откриена, Бранислав ја признал вината, тврдејќи дека бил во тешка финансиска ситуација и дека жали за сè.
„Виновен сум, И.К. ми ги даде предметите и не му ги вратив. Стојам исклучително лошо имотно, работам на пазар во Нови Сад и имам месечни приходи од 1 000 евра. Ветувам дека повеќе нема да го повторам ова дело“, изјавил обвинетиот.
Судот ги осудил на условни казни и им наложил да платат парична казна од 10.500 евра.
![]()

