Српскиот претседател Александар Вучиќ пристигна во Пекинг денес наутро, со што ја започна својата повеќедневна посета на Кина, каде ќе присуствува на одбележувањето на 80-годишнината од победата во Втората светска војна. Посетата се реализира на покана на кинескиот претседател Си Џинпинг.
Вучиќ на аеродромот беше пречекан од високи кинески официјални лица, а медиумите пренесуваат дека атмосферата била топла и свечена. За време на посетата, српскиот претседател ќе оствари средби со претседателот на Кина, Си Џинпинг, претседателот на Руската Федерација, Владимир Путин, како и со други високи кинески функционери и претставници на големи компании.
Serbian President Aleksandar Vucic arrived in Beijing on Tuesday morning to attend the commemorations marking the 80th anniversary of the victory in the Chinese People’s War of Resistance against Japanese Aggression and the World Anti-Fascist War pic.twitter.com/i2YbOFzv60
— China Perspective (@China_Fact) September 2, 2025
На 3 септември, Вучиќ ќе присуствува на голема воена парада во Пекинг по повод Денот на победата, на која се поканети лидери од 26 земји. Ова ќе биде и важен момент за јакнење на стратешките односи меѓу Србија и Кина.
Инаку, Вучиќ и Си Џинпинг веќе се сретнале во Пекинг во октомври 2023 година, кога беа потпишани 18 договори, меѓу кои и Договорот за слободна трговија меѓу Србија и Кина. Претходно, во мај 2024 година, Си Џинпинг ја посети Србија, а двајцата претседатели потпишаа Заедничка изјава за продлабочување и унапредување на стратешкото партнерство и изградба на заедница Србија-Кина со заедничка иднина, при што беа разменети 28 документи за соработка.
Во меѓувреме, огромен број на граѓани на Србија се излезени на улиците и продолжуваат со протестите кои стануваат се погласни и помасовни.
![]()

