Од најави за фамозен настан кој ќе биде како караван низ цела Македонија до скромно студиско извлекување. Откако Боки 13 го извиси, инфлуенсерот Стефан Лазаров ги откажа наредните планирани настани. Нема да има веќе гламур, ниту наградни игри со гала вечери.
Фамозно и долго најавуваната наградна игра на Бојан Јовановски – Боки 13 и јутуберот Стефан Лазаров се сруши како кула од карти. Повеќе нема гламур, а информациите кои прв ги објави нашиот медиум за кои многумина се сомневаа на крајот испаднаа вистинити како и секогаш.
И самиот инфлуенсер Лазаров ја потврди синоќешната инспекција од УЈП. Истата како што напишавме и ние, се случила кога се случувала наградната игра во штипски ноќен клуб. Инспекторите од УЈП јасно увиделе дека има неправилности.
Имено, согласно членот 2 од законот за организирање на игри на среќа, Лазаров и Боки 13 морало да ја пријават нивната наградна игра. Деталите може да ги прочитате на веста во продолжение:
Лазаров потврди дека наградата игра нема веќе да има гламур и истата ќе биде во студио.
„Заради новонастанатата ситуација наредните планирани настани ги откажувам. Гивавејот продолжува, а извлекувањата ќе се одржат во моето студио“, објави Лазаров на Инстаграм.
Останува прашањето дали утре УЈП дополнително ќе истражува и кои ќе бидат следните чекори на Министерството за финансии. Засега, се докажа дека оваа држава има институции и дека овде законите функционираат за сите.
Извор: Лидер
![]()

