ОВА Е НЕЧОВЕЧНО ЦЕНИТЕ СЕ ЗГОЛЕМЕНИ И ДО 25 ОТСТО Мицкоски најави силна реакција уште денеска

Премиерот Мицкоски најавува реакција од Владата по бранот поскапувања на одредени артикли во супермаркетите.

Како што рече тој, кај дел од производите се забележува зголемување на цените и до 25 насто.

Мицкоски, без да прецизира кои мерки би можеле да бидат применети, рече дека реакција ќе има уште од денеска.

Според Мицкоски, ваквото однесување н трговците не е етичко, особено пред празниците.

„Тоа што мислеа дека ќе нè надмудрат и си играат со трпението на граѓаните и Владата не е добро. Тоа не е коректно однесување, особено пред празници. На ваков начин не треба да се прават големи профити. Граѓаните очекуваат разбирање, а не наеднаш да се зголмеуваат цените на одредени продукти. Тоа е нечовечно однесување. Реакција од институциите ќе има уште денес, а ако продолжат така, реакцијата ќе биде поголема во периодот што следува“, рече премиерот одговарајќи на новинарско прашање, додавајќи дека трикови од овој тип нема да поминат.

Мицкоски истакна и дека имаат и други мерки на располагање, кои може да ги преземат за производите да не поскапуваат, а за кои јавноста ќе биде информирана.

Премиерот претходно вчера најави дека ќе побара од Пазарниот инспекторат вонредна инспекција со цел да се утврди како цената на одредени основни производи е зголемена во изминатите 30 дена.

Loading