Културата е убиена и заборавена: Михајловски го обвини Љутков дека за функција ќе гази преку трупови

Културата е мртва, распната и заборавена! Ваква е реалноста што ја критикува Тони Михајловски, кој со жестоки зборови ја осудува состојбата во која се наоѓа македонската култура. Според него, политичката немарност и игнорирањето на културата ја довеле до трагедија, а министерот Зоран Љутков носи најголема одговорност за оваа ситуација.

„Смешни сте, како да ве составувал Нушиќ. Кога ќе се најдете една скала над другите, веднаш почнувате да ги газите. За функција сте готови да минувате преку трупови и заборавате од каде сте дојдени. Сите што ве познаваат, ги бришете од ‘живи’ за да ја задржите вашата ‘вистина’. Но, не умира културата, ќе воскресне и ќе ви покаже дека е многу поголема од сите вас. Се гледаме на ‘барикадите’, бидејќи на сцена не заслужувате да се гледате. Вечерва имаме претстава. Министрите не ја гледаат, но публиката што платила карти заслужува да ја изведеме, иако ние сѐ уште немаме плата“, напиша Михајловски.

Loading