Амбасадорот на САД во Израел: Морав синоќа петпати да одам до засолништето

Амбасадорот на САД во Израел, Мајк Хакаби, рече дека морал да оди до засолништето петпати во текот на ноќта поради иранските ракетни напади врз Израел.

„Тешка ноќ во Израел“, напиша Хакаби на платформата X утрово, додавајќи дека Шабат, еврејскиот ден за одмор, треба да биде мирен – но „веројатно нема да биде“.

Американскиот Стејт департмент и Пентагон во средатa наредија заминување на небитниот персонал од неколку локации на Блискиот Исток, два дена пред Израел да започне напад врз Иран.

Хакаби е поранешен гувернер на Арканзас, а беше назначен за амбасадор во Ерусалим од страна на американскиот претседател Доналд Трамп во ноември минатата година.

Тој е познат по својата силна поддршка за Израел и контроверзните изјави, вклучително и дека „Палестинците не постојат“.

Loading