Германскиот канцелар Фридрих Мерц ги повика лидерите на Европската Унија да постигнат брз трговски договор со претседателот на САД, Доналд Трамп, во наредните неколку дена.
Мерц најави дека заедно со францускиот претседател Емануел Макрон и италијанската премиерка Џорџа Мелони ќе инсистира лидерите на ЕУ да договорат заеднички став на самитот во четврток, јавува Politico. Загриженоста меѓу европските лидери расте откако Обединетото Кралство успеа да постигне поволен договор со Трамп, многу пред 27-члената Унија.
Сè уште се надевам дека трговска сила како ЕУ, со 450 милиони луѓе, има повеќе влијание од Велика Британија.
Мерц повика Унијата да се фокусира на заштита на клучните индустрии како што се автомобилската, производствената, чип индустријата, фармацијата и челикот и алуминиумот од можни тарифи најавени од Трамп. Овие сектори имаат особено значење за германската економија.
Првичната надеж на Мерц дека ЕУ ќе успее да договори нулта тарифа, слично како Обединетото Кралство, сѐ повеќе избледува. Преговарачите од Унијата велат дека американската страна нуди само скромни олеснувања, главно ограничени тарифни намалувања со ограничени квоти.
Трамп се заканува дека ќе воведе 50% тарифа на сите увозни производи од ЕУ ако договор не се постигне до 9 јули. Европските преговарачи стравуваат дека нема да ги финализираат сите детали на време, посебно во чувствителните области како автомобилската индустрија – една од главните приоритети на Мерц.
Во мај до земјите-членки на ЕУ беше дистрибуиран документ во кој се наведува дека Европската комисија е подготвена да усогласи дел од регулативите со САД за автономни возила – што претставува голема отстапка и тема што претходно беше нерешлив проблем во трансатлантските разговори.
Доколку сепак се постигне договор што ќе биде неповолен, европските лидери, особено Мерц, се соочуваат со сериозна политичка реакција на домашен терен.
Доколку договорот биде премногу едностран, ќе предизвика многу лош одзив кај јавноста во повеќето земји членки.
ЕУ службеник за Politico
Германија има најмногу за губење, бидејќи е најголемиот извозник во ЕУ.
Тврдењето на Трамп дека ЕУ ѝ наштетува на американската економија беше потврдено и од извештај на Public Policy Solutions од јуни. Во него се посочува дека Унијата непропорционално ги казнува американските технолошки компании, додека европските работат речиси неометано во САД, а регулаторите во исто време со доза на толеранција се однесуваат кон Кина.
Додека европските компании имаат слободен пристап до американскиот пазар, Европа прави сè за да ги поткопа американските компании во своите пазари. Дополнително, овие погрешни политики овозможија засилен влез на кинеско 5G и телекомуникациско влијание во Европа, со што се ризикува националната безбедност и се отвораат дополнителни предизвици за интеграција меѓу сојузниците.
![]()

