СТУДЕНА АНАЛИЗА – Дали имаме искрена намера да ја насочиме Македонија на патот на стандардите и нормалноста?

пишyвa д-p. Aмaтepкaтa, вoнpeдeн пpoфecop нa eдeн фaкултет

Дали имаме искрена намера да ја насочиме Македонија на патот на стандардите и нормалноста?

Суштината е во одговорот на граѓаните. Ако граѓаните со своето поведение и пристап кон ова прашање не се спремни, зошто истите тие очекуваат  тоа да го сторат политичарите?!

Ова прашање претставува клучен тест на зрелоста и посветеноста на целото општество, особено на граѓаните, политичките актери, граѓанските движења и јавноста во целина. Реалната одговорност се состои во признавањето дали постои доследна и искрена волја за промени, или пак постои само формална декларативна желба без конкретни активности и суштински напори.

Искрената намера да се насочи Македонија на патот на стандарти и нормалноста подразбира прифаќање на реалноста, признавање на слабостите и недостатоците, како и спремност да се преземат тешки, но неопходни чекори. Тоа вклучува транспарентност во носењето одлуки, посветеност кон владеење на правото, елиминирање на корупцијата, градење на ефикасни и независни институции, како и промоција на етички стандарди во сите јавни и приватни сфери.

Истовремено, искреноста е клучен услов за градење на доверба некогаш скршена или минирана од долгогодишните недостатоци и искушенија. Без суштинска желба за промена, која ќе биде приоретет на сите сегменти од општеството, секој напор ќе биде залуден или само формален, без реални резултати. Затоа, потребно е да се постави прашањето: дали срцата и умот на сите чинители навистина се посветени на националните интереси и на создавањето на подобра иднина за сите граѓани?

За жал, од досегашните случувања и одлуки, мора да констатираме дека не сме вистински искрени во таа намера. Наместо да ја пренасочиме Македонија кон патот на демократските вредности, владеењето на правото и европските стандарди, токму спротивното е во пракса, се оддаваме на лични, партиски или калкулациски интереси што ја оддалечуваат државата од вистинската цел.

Низ годиниве, актуелните политики често се карактеризираат со недоследност, недостаток на волја за суштински реформи и неспособност да се елиминираат системските слабости. Наместо да ја градиме сигурната и стабилна држава, граѓаните сведочат на конфликти, корупција, непотизам и промашени политики. Владеењето на правото е ретка појава, а транспарентноста и одговорноста се евтини зборови. Во таа слика, ние, како општество, ја губиме довербата во институциите и нема начин да се движиме напред.

Парадоксално, наместо да се посветиме на искрена ревизија и обновување, најчесто се задоволуваме со краткорочни решенија, празни ветувања и стил на управување што одбива да се одвоји од минатото. Нема оправдана желба или вистинска волја да се постават темели за системи што ќе работат во корист на граѓаните и нивната иднина. Наместо заеднички да работиме на насочувањето на Македонија на трката за стандардите и нормалноста, ние продолжуваме со неизвесна и неодговорна политичка игра.

Корупцијата, неправдите и неспособноста за суштински реформи ја поткопуваат иднината, ја дестабилизираат економијата и ја оддалечуваат од европската иднина. Наместо да се бориме за општото добро, се задоволуваме со остварување на лични и партиски интереси, што дополнително ја ослабува довербата и потенцијалот за развој.

Затоа, по една таква искрена студена анализа, мора да признаеме дека не сме доволно искрени во својата намера. Се уште многу нешта од нас треба да се променат, од ниво на индивидуална одговорност, преку општествената свест, до системските реформи. Ако и понатаму не се прекине со старите навики и ако не се посветиме вистински на градењето на држава што почитува стандарди и норми, ќе останеме заробени во круг, без јасна иднина.

На крај, СИТЕ НИЕ граѓаните, политичките елити и институциите  да се преиспитаме дали навистина имаме искрена намера да ја насочиме Македонија кон подобра иднина. Ако не, тогаш сите заедно ќе останеме трајно заробени во одрекувањето од вредностите што ги носат вистинските европски стандарди и нормалност.

Loading