ЦРВЕНО ВОНРЕДНО: СДСМ го РЕСЕТИРА ВРВОТ за да СПАСИ ЖИВОТ!

Уште не се слушна добро зборот на Филипче, а целото раководство – од врв до база – се распадна како кула од карти. Масовни оставки, колективно повлекување, политички дефибрилатор среде партиска сала. СДСМ конечно призна дека машината е расипана – и наместо да ја поправа парче по парче, реши да ја расклопи цела.

И тоа не е ни мал потег, ни обична формалност. Ова е политички земјотрес.
Ова е признавање вина, страв, потреба од спас… и најмногу од сѐ – очај.

Венко Филипче влегува во „внатрешни реформи“ со скалпел во рака. Дури и да не кажеше јавно на Телма дека ќе го распушта Извршниот одбор – тој веќе беше клинички мртов. Единствено што недостигаше беше официјалниот акт на самоубиствено морално чистење.

Сега, кога сите поднесоа оставки, СДСМ може да глуми дека започнува „ново поглавје“.
Но вистината е пострашна: ова е последна шанса партијата да покаже дека не е реликт од минатото, дека не е потрошена, дека уште има потенцијал да стане политички фактор, а не историска фуснота.

Ќе има „освежување“. Ќе има „најкомпетентни личности“. Така велат.
Но кој ќе ги избере тие компетентни? Истата структура што до вчера беше растрчана во паника да спаси свое место?

СДСМ денес изгледа како пациент што се буди по операција – збунет, ослабен, со надеж дека можеби ќе го продолжи животот, но свесен дека втор неуспех нема да преживее.
А Филипче – сакал или не – е хирургот што мора да покаже дека знае што прави.

Партијата ја отвори вратата за „нова сила и нова енергија“.
Сега ќе видиме:
Ќе влезе свеж воздух – или ќе излезе последниот?

пишyвa д-p. Aмaтepкaтa, вoнpeдeн пpoфecop нa eдeн фaкултет

Loading