ХАОС во Собранието: Ќе пропадне ли седницата за трагедијата во „Пулс“?

Ќе има ли кворум? Клучна седница за трагедијата во „Пулс“ под знак прашалник

Во Собранието денеска треба да се одржи клучната седница на Постојаната анкетна комисија за заштита на слободите и правата на граѓаните, свикана по претставка од родителите на младите кои трагично го загубија животот во пожарот во кочанската дискотека „Пулс“. Оваа седница, како што истакнуваат семејствата на жртвите, претставува единствена можност директно да се обратат пред пратениците и да побараат одговорност од надлежните институции.

Родителите јавно апелираа до сите пратеници да присуствуваат, предупредувајќи дека нема простор за нови одложувања, бидејќи борбата за вистината ја водат со години. Тие очекуваат институциите конечно да покажат сериозност и почит кон загинатите.

Од опозицијата стигнуваат стравувања дека доколку пратениците од владејачкото мнозинство не се појават, седницата би можела да пропадне поради недостиг на кворум. Според нив, тоа би било уште еден удар врз семејствата, кои со нетрпение го чекаат денот кога ќе ги изложат своите аргументи пред законодавниот дом.

Иако претседателот на Собранието предложи седницата да се одложи поради обновената расправа за буџетот, од партијата „Левица“, каде што претседава Димитар Апасиев со Комисијата, остануваат цврсти на ставот дека седницата ќе се одржи во закажаниот термин и време.

Паралелно со ова, Собранието веќе формираше и посебна анкетна комисија со мандат да ги разгледа сите поголеми трагедии од последните години, меѓу кои се и настаните поврзани со пожарот во „Пулс“. Очекувањата од јавноста се оваа структура конечно да понуди транспарентност, одговори и системски промени.

Loading