ОБВИНЕНИЕ ЗА ПРАТЕНИКОТ ОД ЛЕВИЦА ЈАНЧЕВ: МАНЕВАР ШТО ГО ОДНЕСЕ ЖИВОТОТ НА МЛАДОСТА ВО МАРИНО

ОБВИНЕНИЕ ЗА ПРАТЕНИКОТ ОД ЛЕВИЦА ЈАНЧЕВ: МАНЕВАР ШТО ГО ОДНЕСЕ ЖИВОТОТ НА МЛАДОСТА ВО МАРИНО

Јавното обвинителство поднесе обвинение против пратеникот Сашко Јанчев по сообраќајната несреќа што се случи на 14 септември во селото Марино. Во несреќата загина 16-годишниот Матеј Димовски, а неговата 13-годишна сопатничка беше потешко повредена.

Според наодите од истрагата и извршените вештачења, Јанчев управувал со автомобил „Хјундаи Тусон“ и при свртување не се уверил дека може безбедно да го изврши маневрот, со што предизвикал судир со мотоциклот „Јијинг“. Мотоциклот немал регистарски ознаки ниту светлосни уреди, а возачот немал возачка дозвола. И двајцата млади на мотоциклот не носеле заштитни кациги.

Обвинителството го товари Јанчев за тешки дела против безбедноста на луѓето и имотот во сообраќајот согласно член 300 став 4 во врска со член 297 од Кривичниот законик. Според правните квалификации, возачот не се осигурал дека неговото движење е безбедно, со што го загрозил животот на учесниците во сообраќајот.

Оваа несреќа повторно ја отвори темата за безбедноста во сообраќајот и одговорноста на возачите при маневри, особено кога се работи за млади и неискусни возачи.

Loading