НУРКАЧИ ВО ОХРИД: ЕЛКА ПОД ВОДА ЗА ДЕЦАТА ХЕРОИ!

Нуркачкиот центар „Амфора“ и оваа година ја продолжи уникатната традиција на поставување новогодишна елка под вода во Охридското Езеро, во познатиот „Залив на коските“. Оваа празнична акција, која се организира веќе повеќе од 20 години, е реализирана во соработка со Здружението за ретки болести и со поддршка на волонтерите на Црвениот крст од Охрид.

Новогодишната елка под вода не само што создава магичен празничен амбиент, туку има и хуманитарна мисија – да ја поддржи храброста и надежта на децата со ретки болести, кои секојдневно нѐ учат на сила, љубов и истрајност.

Нуркачите од „Амфора“ порачаа: „Нека празничниот дух допре до секое срце и донесе здравје, топлина и поддршка таму каде што е најпотребна. Среќна Нова 2026 година и среќни и благословени празници од длабочините на Охридското Езеро.“

Оваа традиција ја истакнува уникатната врска помеѓу локалната култура, природната убавина на Охрид и хуманоста, привлекувајќи внимание од туристи, љубители на природа и сите кои сакаат да ја поддржат благотворната мисија.

Loading