ДРАМАТИЧНА НОЌ ВО КАРПОШ – ПОЛИЦИЈАТА ВО АКЦИЈА

Недозволената трговија и употребата на дрога остануваат сериозен безбедносен и општествен проблем во Македонија, особено во поголемите градови. Во последниот период Министерството за внатрешни работи интензивно спроведува акции и контроли насочени кон сузбивање на нелегалната продажба и дистрибуција на наркотични средства. Полициските единици редовно организираат акции на повеќе локации со цел откривање на сторители и спречување на ширењето на дрога.

Шест лица биле лишени од слобода во полициска акција спроведена изминатата ноќ на подрачјето на скопската општина Карпош, во близина на спортски центар, информираат од Министерството за внатрешни работи.

Како што соопштија од МВР, полициски службеници од СВР Скопје – Единицата за недозволена трговија спровеле акциска контрола при што биле извршени проверки и идентификација на вкупно 33 лица.

Во рамки на акцијата приведени се шест лица: Љ.П. (42), С.Н. (45), Љ.А. (43) и И.Ц. (37) од Скопје, М.С. (33) од Неготино и Е.Л. (21) од Република Албанија.

При извршениот преглед кај нив биле пронајдени и одземени бела прашкаста материја, грутчеста материја, марихуана и друга прашкаста материја.

Loading