Главниот град на Албанија, Тирана, синоќа беше зафатен од сериозни немири за време на протест организиран од опозициската Демократска партија, предводена од Сали Бериша. Демонстрациите, кои траеја неколку часа, ескалираа во насилство пред владините институции.
Групи демонстранти фрлаа молотови коктели кон објектите на Владата, Министерството за внатрешни работи и седиштето на владејачката партија. Во текот на инцидентите, беа запалени полициско возило и повеќе контејнери, а штети беа нанесени и на деловни објекти во центарот на градот.

Според официјалните информации, шест полицајци завршиле во болница со изгореници предизвикани од пиротехнички средства, додека 14 лица се приведени поради учество во насилствата.
Министерот за внатрешни работи, Бесфорт Ламалари, остро го осуди нападот, нагласувајќи дека насилството врз полицијата е недозволиво и претставува сериозно кривично дело.
Во меѓувреме, инцидент е регистриран и во Бања Лука, каде полицијата привела лице осомничено за напад врз службено лице. Според информациите, станува збор за лице кое било под силно дејство на алкохол, со измерени околу 3,7 промили.
Настанот започнал во угостителски објект, каде осомничениот се однесувал агресивно, а подоцна при интервенција на полицијата физички нападнал полицаец. Повредениот службеник добил медицинска помош, додека надлежните институции преземаат мерки за целосно расчистување на случајот.
![]()

