Премиерот Христијан Мицкоски на вчерашниот состанок посветен на реформската агенда истакна дека институциите мора да работат со јасно утврдени рокови и мерливи резултати.
На средбата се разговараше за досегашниот тек на реформите, како и за предизвиците со кои се соочуваат институциите во нивната реализација. Присутни беа претставници од релевантни институции и други засегнати страни, кои се согласија дека е потребен поефикасен пристап во спроведувањето на реформските процеси.

Премиерот информираше дека фокусот мора да биде ставен на конкретни резултати кои ќе донесат вистински придобивки за граѓаните, а не само на формално исполнување на обврските. Според него, напредокот треба да биде видлив и мерлив, со јасна временска рамка.
На состанокот беше направена и проценка на досегашните активности, при што беа утврдени слабостите и приоритетите за наредниот период. Целта, како што беше посочено, е институциите да функционираат поефикасно и да обезбедат услуги кои ќе го подобрат секојдневието на граѓаните.
Заклучокот од средбата е дека реформската агенда останува клучен процес за приближување кон европските стандарди и за зајакнување на институционалниот систем во земјата.
![]()

