Македонски концепт ги повикува надлежните институции и Владата на Република Македонија на поинтензивен и одлучен пристап во разобличување и елиминација на заостанатите криминални структури во судството и обвинителството.
„Овие структури претставуваат сериозна закана за правдата, довербата на граѓаните и владеењето на правото.
Потребно е итно преземање на конкретни чекори за реформа, транспарентност и враќање на интегритетот во овие витални институции. Единствено со цврста решителност и координиран напор може да се обезбеди праведност и еднаквост пред законот за сите граѓани.
Ги охрабруваме сите чинители во општеството да го поддржат овој процес како дел од заедничката борба за подобра иднина“, порачува Македонски концепт во своето денешно соопштение.
![]()

