Почеток на квалификациите за СП 2026: Македонија во Лихтенштајн го стартува Мундијалскиот пат

Фудбалската репрезентација на Македонија денеска во Вадуц, Лихтенштајн ги стартува Мундијалските квалификации за следното Светско првенство кое што ќе се одржи во САД, Мексико и Канада, 2026 година. Мечот започнува од 15:00 часот, а нашиот национален тим има за задача со победа да ја отвори оваа кампања, со оглед на фактот што овој дуел го играме со најслаборангираниот тим во нашата група. Во неа покрај Македонија и Лихтенштајн се наоѓаат уште и Велс со кого ќе ги одмериме силите во вторник на 25 март во Скопје, како и Белгија и Казахстан.

Селекторот Благоја Милевски се очекува на овој натпревар да не посегнува по поголеми експерименти. Десната бековска позиција е можеби најранливото место на Македонија, особено по отсуството на Стефан Ашковски, а според последните информации таму би требало да се најде Јован Манев.

Ако селекторот Милевски се реши да игра со три стопери позади, тогаш како стопер се повлекува Манев, а Чурлинов ќе оди како офанзивен десен бек.

Тоа е, се чини, и дилемата на селекторот на македонскиот национален тим, која ќе ја разреши непосредно пред почетокот на натпреварот.

Loading