„Али Ахмети никогаш не излезе на улица за својот народ и не прозборе за идеалите за својот народ, но сега, кога се загрозени роднините и другарите од тендерите и милионите, одеднаш му текна да излезе на улица“, реагира коалицијата „Вреди“ на денешната изјава на лидерот на ДУИ за „Слободен печат“, во која тој рече дека доколку поранешниот министер за економија Крешник Бектеши биде обвинет за трагедијата во Кочани, ДУИ „ќе излезе на улица и нема да се врати“ додека не испровоцира со локалните да се одржат и предвремени парламентарни избори.
„Дваесет години на власт и никогаш на улица за народот, секогаш во тишина за правдата. Сега кога системот што си го изгради за себе се руши, Ахмети плаче за улицата, оти му се лизга тронот од раце и лажицата од уста“, велат од „Вреди“.
Од владејачката партија, довчерашна коалиција, го прашуваат Ахмети каде бил кога „во времето на неговото владеење со Никола Груевски Албанците се гушеа по затвори и им се лепеше етикетата „терорист“.
![]()

