Албанија се соочува со катастрофални пожари, кои уништија илјадници хектари земјиште и десетици куќи, додека пожарникарските бригади водат борба со десетици активни фронтови ширум земјата.
Според Евроњуз, најсериозната ситуација е во југозападниот дел на земјата, каде што пожарите се резултат на комбинација од човечки фактор и екстремен топлотен бран.
Во операциите за гаснење се ангажирани над 1.000 пожарникари и итни служби, а Албанија побара поддршка од Механизмот за цивилна заштита на ЕУ.
Унгарија, Хрватска и Италија веќе испратија помош, додека ЕУ мобилизираше четири хеликоптери и два авиони за гаснење пожари.
Состојбата останува критична, а евакуации и интервенции продолжуваат со забрзано темпо.
![]()

