Ердоган и Макрон во телефонски разговор: „Хуманитарната криза во Газа бара итна меѓународна акција“

Во телефонски разговор, претседателите на Турција и Франција, Реџеп Таип Ердоган и Емануел Макрон, разговарале за влошувањето на хуманитарната состојба во Газа, како и за можностите за постигнување долгорочен мир на Блискиот Исток, објави турската претседателска канцеларија.

Претседателот Ердоган изразил сериозна загриженост за драматичната ситуација во појасот Газа и упатил апел до меѓународната заедница да реагира брзо и одлучно.

„Хуманитарната состојба во Газа се влошува секој ден. Потребна е итна интервенција“, истакнал Ердоган, додавајќи дека „меѓународната заедница мора да преземе конкретни чекори кон итно решение“.

Турскиот лидер уште еднаш ја повторил својата поддршка за решение со две држави во израелско-палестинскиот конфликт, потенцирајќи дека само таква рамка може да обезбеди траен мир во регионот.

Во разговорот, Ердоган го поздравил неодамнешниот потег на Франција да ја признае државноста на Палестина, оценувајќи го како „важен чекор што го поддржуваат про-палестинските гласови низ целиот свет“.

Телефонската дипломатија меѓу двајцата лидери доаѓа во момент на зголемени тензии и постојани повици за прекин на насилството во Газа, каде што цивилното население се соочува со сериозна хуманитарна катастрофа.

Loading