Собранието го изгласа Законот за Судски совет, кој според парламентарното мнозинство е најдобриот закон донесен досега со цел враќање на довербата во судството. Законот предвидува отстранување на системски слабости и воведување повисоки стандарди за транспарентност и одговорност.
Иако опозицијата го поддржа законот, таа истакнува дека требало да се одржи јавна расправа и да се земе предвид мислењето на Венецијанската комисија. Партијата Левица смета дека законот е речиси ист како претходниот, променета е само една третина од содржината, а се уште не е прецизирана одговорноста на судиите и постапката за нивно разрешување.
Клучните новини во законот вклучуваат:
-
Јавност во постапката за разрешување на претседателот на Судскиот совет,
-
Прецизирање на критериумите за избор на „истакнат правник“,
-
Јавна расправа при избор на кандидатите за не-судски членови, со цел зголемување на транспарентноста и одговорноста.
Сепак, предлогот за член на Судскиот совет од Тетово, полицискиот инспектор Аљбан Кадриу, ќе биде избран без заострени критериуми, што предизвикува критики од дел од јавноста. Законoт дополнително предвидува зајакнување на критериумите за избор и дисциплинска одговорност на судиите и членовите на Советот.
На последната седница на Собранието беше изгласана и потребата за оглас за именување на јавен обвинител, што е дел од реформите за поголема отчетност на судскиот систем.
![]()

