Министерката за финансии Гордана Димитриеска Кочоска тврди дека трезорот на државата функционира нормално и дека нема да се затвори на 15 декември, спротивно на тврдењата на опозицијата. Според неа, институциите имаат рок до 15 декември за доставување на налози, што ќе овозможи полесна организација на исплатите до крајот на годината.

Министерката нагласува дека даночните приходи продолжуваат и дека сите налози се исплаќаат навреме, вклучително и пензиите и последната исплата од три милијарди денари. Таа уверува дека Буџетот е стабилен и дека сите обврски ќе бидат сервисирани до крајот на годината.
Од друга страна, опозицијата (СДСМ) тврди дека трезорот ќе се затвори поради недостиг на пари и обвинува за финансиски проблеми кај власта. Премиерот Мицкоски оцени дека опозициската партија создава паника, а Јавното обвинителство засега не добило пријава поврзана со овие тврдења.
![]()

