ИМЕТО НА НОВИОТ ЗАМЕНИК МИНИСТЕР ЗА ОБРАЗОВАНИЕ: СИГНАЛ ЗА НОВАТА НАСОКА НА РЕКОНСТРУКЦИЈА

По официјалното пристигнување на оставката на Љуљзим Алиу во Влада на Република Северна Македонија, вниманието е насочено кон тоа кој ќе ја пополни испразнетата заменик-министерска позиција во Министерство за образование и наука. Засега нема официјална одлука, но јасно е дека изборот ќе има пошироко политичко и институционално значење.

Иако од Владата не соопштуваат конкретни имиња, неофицијално се споменува дека местото најверојатно ќе биде пополнето со кадар од коалицијата Вреди. Процедурата за избор допрва ќе се одвива во рамки на коалициските договори и внатрешните преговори во владејачкото мнозинство.

Алиу ја поднесе неотповикливата оставка од лични причини, по околу една и пол година на функцијата, како кадар на Алтернатива и коалицијата Вреди. Тој претходно ја извршуваше истата функција и во периодот 2022–2023 година, кога со ресорот образование раководеше Јетон Шеќири.

Во меѓувреме, од МОН уверуваат дека работата на институцијата и образовните процеси продолжуваат непречено. Сепак, политичките аналитичари оценуваат дека изборот на нов заменик-министер ќе биде важен сигнал за односите во владејачкото мнозинство, но и за насоката на образовните политики во периодот што следи.

Loading