Бројот на загинатите во нападот на божиќниот саем во германскиот град Магдебург се искачи на четири, а 41 лице се тешко повредени, објави весникот „Билд“, повикувајќи се на полицијата.
Според германскиот весник, вкупно 205 лица се повредени, 86 лица со тешки повреди се згрижени во болниците, додека 78 лица се полесно повредени во нападот.
Според последното официјално соопштение, најмалку две лица загинаа, меѓу кои и едно дете, додека повеќе од 50 се повредени синоќа на божиќниот пазар во Магдебург кога напаѓач со својот автомобил влета во толпа посетители.
Маж (50), по потекло од Саудиска Арабија, вчеравечер беше уапсен под сомнение дека го предизвикал терористичкиот напад во германскиот град Магдебург, во кој, според досегашните официјални информации, убил две лица, а повредил повеќе од 60.
Како што пренесуваат локалните медиуми, а како што изјавил Рајнер Хазелоф, премиер на сојузната покраина Саксонија-Анхалт, тој дејствувал сам и не бил дел од заговорот. Тој откри дека во Германија е од 2006 година, и дека работел како лекар, специјалист по психотерапија.
Според официјални лица, сторителот не им бил познат на властите како исламист. Државната министерка за внатрешни работи, Тамара Чишанг, изјави дека имал дозвола за постојан престој.
На социјалните мрежи се шпекулира дека напаѓачот е активист и дека водел веб-страница за баратели на азил каде ги советувал своите сонародници да не бараат азил во Германија.
Според информациите на полициските службеници, напаѓачот со својот автомобил „најмалку 400 метри“ се движел низ божиќниот пазар, каде налетал на група луѓе, предизвикувајќи хаос и паника кај присутните.
Магдебург, град западно од Берлин, е главен град на Саксонија-Анхалт и населението се состои од околу 240.000 жите
![]()

