Трамп во жесток телефонски разговор со Нетанјаху за кризата во Газа

Американскиот претседател Доналд Трамп на 28 јули имал тензичен телефонски разговор со израелскиот премиер Бенјамин Нетанјаху околу хуманитарната состојба во Појасот Газа, објави NBC News повикувајќи се на високи, но неименувани американски извори.

Повод за разговорот била изјавата на Нетанјаху дека, и покрај извештаите за глад, жителите на Газа „не страдаат од недостиг на леб“. Трамп, кој реагирал следниот ден, изразил сомнеж и нагласил дека таму има „вистинска глад“ која не смее да се игнорира.

Според изворите, Трамп го „замолчал“ Нетанјаху, покажувајќи му докази за деца што гладуваат, и порачал дека нема да прифати „лажни информации“. Нетанјаху пак, тврдел дека извештаите за глад се „измислени“ од Хамас, но разговорот завршил во напната атмосфера.

Блиските до премиерот го негираа овој опис на настаните, нарекувајќи го „лажна вест“. По разговорот, Трамп го испрати специјалниот пратеник Стив Виткоф да ги провери пунктовите за дистрибуција на хуманитарна помош во Газа.

Loading