Средба меѓу украинскиот претседател Володимир Зеленски и рускиот претседател Владимир Путин нема да се одржи, без разлика на сите ветувања што Путин му ги дал на американскиот претседател Доналд Трамп.
Според странските медиуми, ова го изјавил германскиот канцелар Фридрих Мерц за време на средба со францускиот претседател Емануел Макрон.
„Очигледно, средба меѓу претседателот Зеленски и претседателот Путин нема да се случи, без разлика на договорот постигнат меѓу претседателот Трамп и претседателот Путин минатата недела“, цитираат медиумите дека изјавил германскиот канцелар.
На 15 август, американскиот претседател Доналд Трамп се сретна со рускиот лидер Владимир Путин.
Американскиот лидер истакна дека една од неговите цели била да организира трилатерална средба, која би го вклучувала и украинскиот претседател Володимир Зеленски.
Сепак, една недела подоцна, Трамп призна дека Путин не сака да се сретне со Зеленски бидејќи не го почитува.
Самиот Зеленски пак, јавно постојано изјавува дека Русија испраќа негативни сигнали за средбите и за идниот тек на настаните.
Финскиот претседател Александар Стуб изјави дека за време на тековните преговори за завршување на војната, рускиот лидер Владимир Путин намерно поставува услови кои се невозможно да се прифатат.
Во меѓувреме, канадскиот премиер Марк Карни верува дека Путин се плаши да се сретне со Зеленски за да дискутираат за условите за завршување на војната.
![]()

