Русија врати над 1000 тела на украински војници, Киев потврди прием

Русија извршила предавање на повеќе од илјада тела на украински војници, изјави главниот руски преговарач Владимир Медински. За возврат, Украина ѝ предала на Москва останки од 19 руски војници, објави Медински на социјалната мрежа „Телеграм“.

Украинските власти го потврдија приемот на телата, наведувајќи дека меѓу нив се и петмина војници кои починале додека биле во руски заробенички логори. Според Координацискиот штаб за третман на воените заробеници во Киев, овие лица требало да бидат ослободени уште порано, согласно договорот од Истанбул за размена на тешко ранети борци. Украина повторно ја обвини Русија за нечовечки третман на заробените војници.

Размени и политички пораки

По истанбулските преговори во мај, во последните месеци беа реализирани неколку размени на заробеници. Москва тврдеше дека досега вратила повеќе од 7000 тела на украински војници, пред последната предавање. Истовремено, Русија изнесува бројки според кои Украина наводно предала помалку од 100 тела на руски војници во текот на целиот процес.

Кремљ ваквите податоци ги користи како аргумент дека украинските вооружени сили претрпеле значително поголеми загуби на фронтот. Од друга страна, Киев истакнува дека многу од загинатите се вратени со задоцнување и дека дел од нив умирале во заробеништво, што претставува дополнителна траума за семејствата.

Четири години војна

Воениот конфликт, кој започна со руската инвазија врз Украина во февруари 2022 година, влезе во својата четврта година. Борбите досега однеле десетици илјади животи на двете страни, а размените на тела и заробеници остануваат редок пример на минимална соработка меѓу Москва и Киев.

Loading