Почина Габи Новак, еден од најзначајните гласови на хрватската и регионалната музичка сцена

Музичката сцена во Хрватска, но и регионалната сцена, денес е длабоко потресена од веста за смртта на музичарката Габи Новак, една од најценетите пејачки на поп и џез музика во регионот.

Родена на 8 јули 1936 година во Берлин, Новак ја започна својата музичка кариера кон крајот на 1950-те и набрзо стана едно од најпознатите имиња во поранешна Југославија. Нејзината емотивна интерпретација и препознатлив глас оставија неизбришлив белег во историјата на музиката.

Заедно со својот сопруг, познатиот кантавтор Арсен Дедиќ, таа го делеше не само приватниот живот, туку и музичката сцена, создавајќи бројни хитови кои одбележаа едно време. Нивниот син, Матија Дедиќ, познат џез пијанист, ја продолжи музичката традиција на семејството до својата прерана смрт во јуни годинава.

За време на својата богата и успешна кариера, Габи Новак освои многубројни награди, вклучувајќи и признание за животно дело. Нејзините албуми и настапи останаа запаметени по длабоката емотивност и уметничката извонредност.

Почина на 89 години, а остави незаборавен белег во срцата на многу генерации љубители на музиката низ регионот.

Loading