Русија објави дека ќе ги прекине сите воени операции во Украина поради „велигденско примирје“. Според соопштението објавено на официјалниот канал на Кремљ на Телеграм, рускиот претседател Владимир Путин најави дека привременото примирје ќе трае од денеска во 18 часот по московско време (17 часот по средноевропско време) до полноќ меѓу недела и понеделник.
„Водени од хуманитарни причини, прогласуваме примирје за време на велигденските празници. Наредувам прекин на сите воени дејства во тој период“, порача Путин.
Москва додаде дека очекува и Украина да одговори со иста мерка, иако Киев официјално сè уште не се изјасни. Во соопштението се додава дека руските сили ќе бидат подготвени да одбијат евентуални провокации или напади.
I have just received a report from Commander-in-Chief Oleksandr Syrskyi.
Today, our forces continued their activity on the territory of the Kursk region and are holding their positions. In the Belgorod region, our warriors have advanced and expanded our zone of control.
As for…
— Volodymyr Zelenskyy / Володимир Зеленський (@ZelenskyyUa) April 19, 2025
Иако украинскиот претседател Володимир Зеленски директно не реагираше на предлогот за примирје, тој објави порака на социјалната мрежа Х во која се осврна на ситуацијата на фронтот.
„Штотуку добив извештај од главниот командант Сирски. Нашите сили продолжуваат да дејствуваат во областа Курск и ги држат позициите. Во Белгородската област напредуваме и ја прошируваме контролата“, напиша Зеленски.
Тој додаде дека додека Путин зборува за примирје, во Украина се огласуваат воздушни сирени, а на небото се појавиле руски дронови. Украинската противвоздушна одбрана веќе реагира.
„Присуството на дронови во нашиот воздушен простор јасно го покажува вистинскиот однос на Путин кон Велигден и човечките животи“, порача Зеленски.
![]()

