Познатиот американски актер ќе остане најмногу запаметен по својата улога во култната серија Војна на ѕвездите (Star Trek).
Питер Хенри Шродер почина на 91-годишна возраст. Како што пренесуваат американските медиуми, Шродер починал во болница за ветерани во Лејк Сити, опкружен со своето најблиско семејство. Причината за смртта засега не е објавена.
Зад себе остави ќерка – Валери Лин, син – Питер Хенри Втори, снаа – Фелисија Кристијани, и двајца внуци – Питер Хенри Трети и Џарид Мајкл.
Иако најмногу се истакна со своето појавување во првата епизода на Star Trek: Enterprise, Шродер имаше и значајни улоги во други холивудски проекти. Меѓу нив се вбројува и филмот Арго (2012), добитник на Оскар за најдобар филм. Последен пат се појави на големото платно во 2020 година, во филмот Sammy-Gate.
Како што пренесуваат странските медиуми, актерот и во последните денови од својот живот копнеел по камерата. „Кога ќе ме пуштите? Морам да се вратам во Лос Анџелес на работа“, наводно рекол додека бил во болницата.
Peter-Henry Schroeder, a veteran character actor best known to Star Trek fans for his role in Star Trek: Enterprise, Peter-Henry as Gunslinger, has died at the age of 90.😢 pic.twitter.com/azhB2D4R1y
— Sumner (@renmusb1) July 2, 2025
Низ својата долга кариера, Шродер соработуваше со бројни холивудски имиња, меѓу кои и Алан Алда и Мерил Стрип. Покрај актерството, тој беше и музичар, настапувајќи под псевдонимот Пит Шрајдер. Во 1960 година го објави синглот Where’s the Girl for Me, а неколку години подоцна и Memories of Marilyn.
Питер Шродер беше и ценет педагог, предаваше актерска уметност на Американската академија за драмски уметности, каде остави траен белег како ментор и инспирација за многу млади актери.
Шоу-бизнисот изгуби уште една легенда, човек кој со својот талент и страст го обележа едно цело телевизиско и филмско време.
![]()

