Легендата на хеви-металот Ози Озборн почина на 22 јули на 76-годишна возраст, само неколку дена по неговиот последен настап во живо. Концертот се одржа на 5 јули во Бирмингем, родниот град на музичарот, и се покажа како емотивно збогување со музичката сцена што ја обележа неговата кариера од преку пет децении.
Настанот, насловен како „Back to the Beginning“, претставуваше финално обединување со оригиналниот состав на бендот Black Sabbath. Концертот се одржа на стадионот „Вила Парк“ пред публика од 45.000 луѓе, додека повеќе од 5,8 милиони го следеа преку интернет. Настанот имаше и хуманитарен карактер – според британските медиуми, собрани се околу 190 милиони долари за различни добротворни организации, меѓу кои и за Бирмингемската детска болница, за „Acorns“ и за Фондот за истражување на Паркинсонова болест.
Ozzy’s final performance in Villa Park on July 5, 2025 along with original Black Sabbath band members was bittersweet. It was a homecoming, a farewell and a love letter to the city that birthed heavy metal. 🎥Jessica Kent via Facebook pic.twitter.com/6NlstuENbb
— Spunky Conservative Patriot™ (@SpunkyPatriot_) July 23, 2025
Озборн, кој боледуваше од Паркинсонова болест од 2003 година и имаше низа операции на ‘рбетот, настапи седнат на специјално прилагоден стол. Неговата одлучност да се врати на сцената и покрај сериозната здравствена состојба беше изразена уште во 2022 година кога изјави за The Independent: „Ќе се вратам на сцена, дури и ако тоа ме убие, затоа што ако не можам да го сторам тоа, тогаш ќе умрам. Сакам да ја видам таа публика“.
Концертот беше кулминација на десетчасовна музичка маратонска вечер со настапи на некои од најголемите имиња од светот на рокот како Металика, Guns N’ Roses, Aerosmith, Rage Against the Machine и Smashing Pumpkins.
По неговата смрт, многу музичари и јавни личности изразија длабоко жалење и почит кон човекот кој се смета за еден од основоположниците на хеви-метал жанрот.
Семејството соопшти дека Оззи Озборн починал мирно, опкружен со најблиските. Со неговата смрт завршува едно епохално музичко поглавје, но неговото влијание и наследство остануваат вечни.
![]()

