Рускиот лидер Владимир Путин има страв да се сретне лице в лице со украинскиот претседател Володимир Зеленски и да разговара за условите за завршување на војната, изјави канадскиот премиер Марк Карни на заедничка прес-конференција со германскиот канцелар Фридрих Мерц, пренесува Ukrinform.
„Путин постојано поставува услови и ја одолговлекува ситуацијата затоа што се плаши од таа средба“, рече Карни.
Според него, Зеленски е подготвен за директна средба со рускиот претседател во која било неутрална земја.
„Ниту очекува Путин да дојде во Киев, ниту самиот планира да оди во Москва, но секоја неутрална територија е прифатлива“, додаде Карни.
Тој нагласи дека е клучно сојузниците на Украина да продолжат со поддршката сè додека не се создадат услови за ваков состанок.
![]()

