Први снимки од пожарот во Анталија: Од хотелот огнот се прошири на други објекти (Видео)

Пожарот што избувна денеска околу пладне во двокатен хотел во историскиот кварт Калеичи во Анталија предизвика паника.

Локалните медиуми јавуваат дека пожарот започнал во хотел на улицата Узунчарши и брзо се проширил, а противпожарните служби пристигнале за само три минути.

Неколку гости кои се наоѓале во хотелот за време на пожарот биле брзо евакуирани, и објавено дека нема жртви. Вкупно десет противпожарни возила и 35 пожарникари се вклучени во гаснењето.

Властите соопштија дека пожарот во хотелот и во еден од објектите на кој се проширил е главно ставен под контрола, но дека огнот во друг објект сè уште е активен.

Гувернерот на Анталија, Хулуси Шахин, изврши увид на местото на настанот и потврди дека нема загинати или повредени.

„Гостите беа сместени во три соби од хотелот. Сите беа евакуирани, никој не е повреден. Огнот се прошири на напуштена зграда веднаш до хотелот. Пожарот сè уште гори на покривот од таа зграда, а екипите продолжуваат со интервенција,“ изјави Шахин.

Loading